Icelandic Sound Company (ISC) er sveit sem einbeitir sér að tónlist þar sem hreint hljóð hefur sterka þungamiðju með hljóðfærum eins og gong og tam-tam ásamt öðrum ásláttarhljóðfærum og rafgítar. Ekki er einungis leikið á hljóðfærin ein og sér heldur er hljóðið leitt í gegnum hljóðbreytitæki sem móta hljóð þeirra enn frekar. Með þessari samsetningu skapar ISC nýtt pláss í íslensku tónlistarlífi og þótt víðar væri leitað. Um er að ræða afar sérstakar hljóðstemningar og hljóðmyndir sem að meðlimir ISC hafa verið að þróa undanfarið ár.

Meðlimirnir; Gunnar Kristinsson (slagverk) og Ríkharður H. Friðriksson (gítar) hafa áratuga reynslu á tónlistarsviðinu. Þeir hafa lokið háskólaprófum í tónlistarfræðum, tónsmíðum og hljóðfæraleik og hafa á undanförnum áratugum tekið þátt í fjöldanum öllum af tónlistarhátíðum og tónleikum víða um heim. Eftir þá liggja fjölbreyttar tónsmíðar af ýmsum gerðum.

The members; Gunnar Kristinsson (percussion) and Rikhardur H. Fridriksson (guitar) have decades behind them as musicians. They have been through education as musicologists, composers and instrumentalists, and have trough the last decades participated in numerous concerts and music festivals all over the world, alternatly as performers or composers.